ഷാൻ തുളസീധരൻ സംവിധാനം ചെയ്ത് സുദേവ് നായർ കേന്ദ്ര കഥാപാത്രമായി എത്തുന്ന ക്രൈം വെബ് സീരീസ് കമ്മട്ടം ഓഗസ്റ്റ് 29 മുതല് സീ5-ല് സ്ട്രീം ചെയ്യുന്നു.മലയാളത്തില് സീ 5-ല് അവതരിപ്പിക്കുന്ന ആദ്യ ഒറിജിനല് വെബ് സീരീസായ കമ്മട്ടം, 23 ഫീറ്റ് പ്രൊഡക്ഷൻസിന്റെ ബാനറിലാണ് പ്രേക്ഷകരിലേക്ക് എത്തുന്നത്.
ആറ് എപ്പിസോഡുകളുള്ള ഒരു നാടിനെ നടുക്കിയ ഒരു കൊലപാതക പരമ്ബരയുടെ കഥ പറയുന്ന വെബ് സീരീസില് നിരവധി കഥാപാത്രങ്ങള് അണിനിരക്കുന്നു.
സുദേവ് നായർ, ജിൻസ്, ജിയോ ബേബി, അജയ് വാസുദേവ്, അഖില് കാവളയൂർ, അരുണ് സോള്, ശ്രീരേഖ, ജോര്ഡി പൂഞ്ച എന്നിവരുടെ ശക്തമായ അഭിനയ പ്രകടനങ്ങള് വെബ് സീരീസിനെ മികച്ചതാക്കുന്നു.
പ്ലാന്റർ സാമുവല് ഉമ്മൻ എന്ന കഥാപാത്രം ഒരു വാഹനാപകടത്തില് മരിക്കുന്നതും, ആ മരണം കൊലപാതകം ആണെന്ന് പോലീസ് കണ്ടെത്തുകയും, അതിനെ ചുറ്റിപറ്റിയുള്ള അനേഷണവുമാണ് വെബ് സീരീസിന്റെ ഹൈലൈറ്റ്. കമ്മട്ടം ഒരു മികച്ച ത്രില്ലിംഗ് എക്സ്പീരിയൻസ് പ്രേക്ഷകർക്ക് സമ്മാനിക്കും എന്ന് ഉറപ്പാണ്.
തൃശൂരിലുണ്ടായ ഒരു വിവാദ സംഭവത്തെ ആധാരമാക്കി ZEE5 അവതരിപ്പിക്കുന്ന മലയാളത്തിലെ ആദ്യത്തെ ഒറിജിനല് ക്രൈം ത്രില്ലർ വെബ് സീരീസ് ആണ് കമ്മട്ടം. ആദ്യമായാണ് ZEE5 നടന്ന സംഭവത്തിന്റെ അടിസ്ഥാനത്തില് ഒരു വെബ് സീരീസ് മലയാളി പ്രേക്ഷകർക്ക് സമ്മാനിക്കുന്നത്.
‘കമ്മട്ടം’മലയാളത്തിന്റെ ആദ്യ ക്രൈം ത്രില്ലർ വെബ് സീരീസ് ആഗോള പ്രേക്ഷകരിലേക്ക് എത്തിക്കാൻ കഴിയുന്നതില് ഞങ്ങള് അഭിമാനിക്കുന്നു എന്ന് ZEE5യുടെ മാർക്കറ്റിംഗ് സൗത്ത് വിഭാഗത്തിലെ സീനിയർ വൈസ് പ്രസിഡന്റ് (തമിഴ് & മലയാളം) ബിസിനസ് ഹെഡ് ആയ ലോയിഡ് സി. സേവ്യർ പറഞ്ഞു.
ZEE5 ആദ്യമായി ഒരുക്കുന്ന ഒരു മലയാളം സീരീസിന്റെ ഭാഗമാകാൻ കഴിഞ്ഞതില് ഏറെ സന്തോഷവും അഭിമാനവും ഉണ്ടെന്ന് സുദേവ് നായർ കൂട്ടിച്ചേർത്തു.
കമ്മട്ടം പ്രേക്ഷകർക്ക് മികച്ച ഒരു ത്രില്ലിംഗ് ഇമോഷണല് ഫീല് സമ്മാനിക്കുമെന്ന് ഉറപ്പാണ്. കമ്മട്ടം എന്ന സീരീസ് ഒരു ലളിതമായ ചിന്തയില് നിന്ന് വന്ന പ്ലോട്ട് ആണ്. അത് ഇത്രയും മനോഹരമാക്കിയത് അതില് പ്രവർത്തിച്ച ഓരോ വ്യക്തികളും, ഓരോ ഡിപ്പാർട്മെന്റുമാണ്.
ആഗോള തലത്തില് മികച്ച ഓ ടി ടി പ്ലേറ്റ്ഫോമായ ZEE5-ല് ചിത്രം റിലീസ് ആകുന്നതില് അതിയായ സന്തോഷമുമുണ്ടെന്ന് സംവിധായകൻ ഷാൻ കൂട്ടിച്ചേർത്തു. എല്ലാ പ്രായക്കാർക്കും ആസ്വദിക്കാൻ കഴിയുന്ന ഒരു ക്രൈം ത്രില്ലർ വെബ് സീരീസ് ആയ കമ്മട്ടം ZEE5-ല് ഓഗസ്റ്റ് 29 മുതല് സ്ട്രീമിംഗ് ആരംഭിക്കും.
