ഷാജി കൈലാസിന്റെ സംവിധാനത്തില് ജോജു ആദ്യമായി നായകനായി അഭിനയിച്ച ചിത്രം വരവ് തിയറ്ററുകളില് എത്തിയിരിക്കുകയാണ്. ഇപ്പോഴിതാ ചിത്രത്തിന്റെ ആദ്യ ദിന ബോക്സ് ഓഫീസ് കണക്കുകള് പുറത്തെത്തിയിട്ടുണ്ട്. കഴിഞ്ഞ ദിവസമായിരുന്നു ചിത്രത്തിന്റെ റിലീസ്. ട്രാക്കര്മാരുടെ കണക്ക് പ്രകാരം ചിത്രം ആദ്യ ദിനം കേരളത്തില് നിന്ന് നേടിയിരിക്കുന്നത് 1.55 കോടിയാണ്. ജോജു ജോര്ജിന്റെ കരിയര് ബെസ്റ്റ് ഓപണിംഗ് ആണ് ഇതെന്ന പ്രത്യേകതയുമുണ്ട്.
ജോഷി സംവിധാനം ചെയ്ത ആന്റണിയുടെ റെക്കോര്ഡ് ആണ് വരവ് തകര്ത്തത്. ആന്റണിയുടെ ആദ്യദിന കേരള ഗ്രോസ് 1.25 കോടി ആയിരുന്നു. ജോജുവിന്റെ സംവിധാന അരങ്ങേറ്റമായിരുന്ന പണി ആയിരുന്നു അടുത്ത സ്ഥാനത്ത്. 1.15 കോടി ആയിരുന്നു പണിയുടെ കേരള ഓപണിംഗ്. ബിഗ് ബജറ്റിൽ 98 ദിവസങ്ങൾ എടുത്ത് ചിത്രീകരണം പൂർത്തിയാക്കിയ ‘വരവ് ‘ ഹൈറേഞ്ച് പശ്ചാത്തലത്തിൽ പ്ലാന്റർമാർക്കിടയിലെ കുടിപ്പകയും അതിജീവനവുമാണ് പ്രമേയമാക്കുന്നത്.
ഷാജി കൈലാസിന്റെ ഹിറ്റ് ചിത്രങ്ങളായ ചിന്താമണി കൊലക്കേസ്, റെഡ് ചില്ലീസ് എന്നിവയ്ക്ക് രചന നിർവ്വഹിച്ച എ.കെ. സാജൻ തന്നെയാണ് ഈ ചിത്രത്തിനും തിരക്കഥയൊരുക്കുന്നത്. ഓൾഗാ പ്രൊഡക്ഷൻസിന്റെ ബാനറിൽ നൈസി റെജിയാണ് ചിത്രം നിർമ്മിക്കുന്നത്.
ജോജുവിനൊപ്പം വാണി വിശ്വനാഥ്, സുകന്യ, മുരളി ഗോപി, അർജുൻ അശോകൻ, ദീപക് പറമ്പോൽ, ബാബുരാജ്, അസീസ് നെടുമങ്ങാട്, ബൈജു സന്തോഷ്, അഭിമന്യു തിലകൻ, ബോബി കുര്യൻ, അശ്വിൻ കുമാർ, ശ്രീജിത്ത് രവി, കോട്ടയം രമേശ്, ബാലാജി, ബിജു പപ്പൻ, ചാലി പാല, ഷാജി ഷാഹിദ്, ആൻഡ്രായ് ബ്ലിറ്റസ് നെറ്റ്സോവ്, സാനിയ ഇയ്യപ്പൻ, വിൻസി അലോഷ്യസ്, വീണ നായർ, മെറ്റിൽഡ പെട്രോവിക് എന്നിങ്ങനെ വലിയൊരു താരനിര തന്നെ ചിത്രത്തിൽ അണിനിരക്കുന്നു
