മലയാളത്തിലെ പല റെക്കോർഡുകളും തിരുത്തിക്കുറിച്ച് ജൈത്രയാത്ര നടത്തുകയാണ് മോഹൻലാല്-തരുണ് മൂർത്തി ടീമിന്റെ ‘തുടരും’.മികച്ച പ്രതികരണം നേടിയ സിനിമ ഇതിനോടകം 200 കോടി ക്ലബ്ബില് ഇടം പിടിച്ചുകഴിഞ്ഞു. ഏപ്രില് 25 ന് എത്തിയ സിനിമ ഒരു മാസം പിന്നിട്ടിട്ടും തിയേറ്ററുകളില് പ്രദർശനം തുടരുകയാണ്. ഇപ്പോഴിതാ കേരള ബോക്സ് ഓഫീസില് പുതിയൊരു റെക്കോർഡ് സൃഷ്ടിച്ചിരിക്കുകയാണ് തുടരും.
കേരള ബോക്സ് ഓഫീസില് നിന്ന് 50 കോടി ഷെയർ കളക്ഷൻ നേടിയെന്ന റെക്കോർഡ് ആണ് തുടരുമിപ്പോള് നേടിയത്. നേരത്തെ ചിത്രം കേരളത്തില് നിന്ന് 100 കോടി ഗ്രോസ് നേടിയിരുന്നു. കേരളത്തില് നിന്ന് ആദ്യമായി ആണ് ഒരു ചിത്രം 50 കോടി ഷെയർ നേടുന്നത്. നിരവധി സിനിമകള് തിയേറ്ററുകളില് ഇതിനോടകം വന്നു പോയിട്ടും തുടരും സിനിമയുടെ സ്വീകാര്യത ഒട്ടും കുറഞ്ഞിട്ടില്ല എന്ന് കാണിക്കുന്നതാണ് ഈ റിപ്പോർട്ടുകള്. റിലീസ് ചെയ്ത് ആഴ്ചകള് കഴിയുമ്ബോള് കേരളത്തില് നിന്ന് മാത്രം ചിത്രം 115 കോടിയാണ് ഇതുവരെ നേടിയിരിക്കുന്നത്. റിപ്പോർട്ടുകള് പ്രകാരം ആഗോള ബോക്സ് ഓഫീസില് നിന്ന് 231.33 കോടി ഗ്രോസ് ആണ് തുടരും സ്വന്തമാക്കിയിരിക്കുന്നത്.
കഴിഞ്ഞ ദിവസം ചിത്രത്തില് നിന്നൊരു മേക്കിങ് വീഡിയോ തരുണ് മൂർത്തി പങ്കുവച്ചിരുന്നു. ഒരു ബാത്റൂമിന് മുന്നിലുള്ള സീൻ തരുണ് മൂർത്തി മോഹൻലാലിനും ശോഭനയ്ക്കും വിവരിച്ച് കൊടുക്കുന്നതും തുടർന്ന് ആ സീൻ ഇരുവരും അഭിനയിക്കുന്നതുമാണ് വീഡിയോയില് ഉള്ളത്.മികച്ച അഭിപ്രായങ്ങളാണ് ഈ മേക്കിങ് വീഡിയോക്ക് താഴെ വരുന്നത്. ‘കാണുമ്ബോള് അയ്യേ ഇത്രേം ഉള്ളോ ഇത് സിമ്ബിള് അല്ലേ എന്ന് തോന്നും വേറൊന്നും കൊണ്ടല്ല ചെയ്തു കാണിച്ചത് ലാലേട്ടനും ശോഭനയും ആയത് കൊണ്ടാണ്’, എന്നാണ് ഒരു പ്രേക്ഷകന്റെ കമന്റ്.
