എ ആൻഡ് എച്ച്എസ് പ്രൊഡക്ഷൻസിന്റെ ബാനറില് അബ്ബാസ് തിരുനാവായ, സജിൻ അലി, ദിപൻ പട്ടേല് എന്നിവർ ചേർന്ന് നിർമിക്കുന്ന ‘നൈറ്റ് റൈഡേഴ്സ്’ എന്ന ചിത്രത്തിന്റെ ഫസ്റ്റ് ലുക്ക് പുറത്ത്.
മലയാള സിനിമയിലെ പ്രമുഖചിത്രസംയോജകനായ നൗഫല് അബ്ദുള്ള ആദ്യമായി സംവിധാനം ചെയ്യുന്ന ചിത്രമാണിത്. ഹൊറർ കോമഡി ജോണറില് ഒരുങ്ങുന്ന ‘നൈറ്റ് റൈഡേഴ്സ്’ രചിച്ചിരിക്കുന്നത് പ്രേക്ഷകപ്രീതി നേടിയ ‘പ്രണയവിലാസം’ എന്ന ചിത്രത്തിന്റെ എഴുത്തുകാരായ ജ്യോതിഷ് എം, സുനു എ.വി. എന്നിവരാണ്.
വമ്ബൻ പ്രേക്ഷക- നിരൂപക പ്രശംസ നേടിയ ‘നീലവെളിച്ചം’, ‘അഞ്ചക്കള്ളകോക്കാൻ’, ‘ഹലോ മമ്മി’ തുടങ്ങിയ ചിത്രങ്ങളുടെ സഹനിർമാണത്തിനു ശേഷം എ ആൻഡ് എച്ച്എസ് പ്രൊഡക്ഷൻസിന്റെ ബാനറില് നിർമിക്കുന്ന ചിത്രത്തിലെ നായകനായി എത്തുന്നത് യുവതാരം മാത്യു തോമസ് ആണ്. വിമല് ടി.കെ, കപില് ജാവേരി, ഗുർമീത് സിങ് എന്നിവരാണ് ചിത്രത്തിന്റെ സഹനിർമാണം.
നെല്ലിക്കാംപോയില് എന്ന ഗ്രാമത്തില് നടക്കുന്ന കഥയാണ് ചിത്രം പറയുന്നത്. മാത്യു തോമസിനെ കൂടാതെ, മീനാക്ഷി ഉണ്ണികൃഷ്ണൻ, അബു സലിം, റോണി ഡേവിഡ് രാജ്, വിഷ്ണു അഗസ്ത്യ, റോഷൻ ഷാനവാസ് (ആവേശം ഫെയിം), ശരത് സഭ, മെറിൻ ഫിലിപ്പ്, സിനില് സൈനുദ്ധീൻ, നൗഷാദ് അലി, നസീർ സംക്രാന്തി, ചൈത്ര പ്രവീണ് എന്നിവരാണ് ചിത്രത്തിലെ മറ്റുപ്രധാനകഥാപാത്രങ്ങളെ അവതരിപ്പിക്കുന്നത്.
മികച്ച സാങ്കേതിക സംഘമാണ് ചിത്രത്തിനായി അണിനിരന്നിരിക്കുന്നത്. എക്സിക്യൂട്ടീവ് പ്രൊഡ്യൂസർ: ബിജേഷ് താമി, ഛായാഗ്രഹണം: അഭിലാഷ് ശങ്കർ, എഡിറ്റർ: നൗഫല് അബ്ദുള്ള, മ്യൂസിക്: യാക്സൻ ഗാരി പെരേര, നേഹ എസ്. നായർ, സംഘട്ടനം: കലൈ കിങ്സ്റ്റൻ, സൗണ്ട് ഡിസൈൻ: വിക്കി, ഫൈനല് മിക്സ്: എം.ആർ. രാജാകൃഷ്ണൻ, വസ്ത്രാലങ്കാരം: മെല്വി ജെ, വിഎഫ്എക്സ്: പിക്റ്റോറിയല് എഫ്എക്സ്, മേക്കപ്പ്: റോണക്സ് സേവ്യർ, ആർട്ട് ഡയറക്ടർ: നവാബ് അബ്ദുള്ള, ചീഫ് അസ്സോസിയേറ്റ് ഡയറക്ടർ: ഫിലിപ്പ് ഫ്രാൻസിസ്, പ്രൊഡക്ഷൻ കണ്ട്രോളർ: ഡേവിസണ് സി.ജെ, സ്റ്റില്സ്: സിഹാർ അഷ്റഫ്, പോസ്റ്റർ ഡിസൈൻ: എസ്കെഡി, മാർക്കറ്റിങ് സ്ട്രാറ്റജിസ്റ്റ്സ്: വൈശാഖ് സി. വടക്കേവീട്, ജിനു അനില്കുമാർ, പിആർഒ: പ്രതീഷ് ശേഖർ.
