ക്യൂബ്സ് എൻറർടെയ്ൻമെൻറ്സിൻറെ ബാനറില് ‘മാർക്കോ’ എന്ന സൂപ്പർഹിറ്റ് ചിത്രത്തിന് ശേഷം ആൻറണി വർഗീസ് പെപ്പെയെ നായകനാക്കി ഷരീഫ് മുഹമ്മദ് നിർമ്മിക്കുന്ന, നവാഗതനായ പോള് ജോർജ്ജ് സംവിധാനം ചെയ്യുന്ന പുതിയ ചിത്രമായ ‘കാട്ടാളൻ’ സിനിമയിലൂടെ പറഞ്ഞ വാക്ക് പാലിച്ചിരിക്കുകയാണ് ക്യൂബ്സ് എൻറർടെയ്ൻമെൻറ്സ്.
ഉണ്ണി മുകുന്ദൻ നായകനായി സൂപ്പർ ഹിറ്റായി മാറിയ പാൻ ഇന്ത്യൻ ചിത്രം ‘മാർക്കോ’യുടെ റീക്രിയേഷൻ ടീസർ ചെയ്യുന്നവരില് നിന്ന് തിരഞ്ഞെടുക്കുന്ന ആളുകള്ക്ക് ക്യൂബ്സ് എൻറർടെയ്ൻമെൻറ്സിൻറെ അടുത്ത സിനിമയില് അവസരം കൊടുക്കുമെന്ന് പ്രൊഡ്യൂസർ ഷെരിഫ് മുഹമ്മദ് പ്രഖ്യാപിച്ചിരുന്നു. ഇപ്പോഴിതാ താൻ കൊടുത്ത വാക്ക് ‘കാട്ടാളനി’ലൂടെ പാലിച്ചിരിക്കുകയാണ് ഷെരിഫ് മുഹമ്മദ്. റിക്രിയേഷൻ ടീസർ ഒരുക്കിയ യദു കൃഷ് എന്ന പുതുമുഖത്തിന് അവസരം കൊടുത്തുകൊണ്ടാണ് ഈ വാക്ക് അദ്ദേഹം പാലിച്ചിരിക്കുന്നത്.
ക്യൂബ്സ് എൻറർടെയ്ൻമെൻറ്സിന് നന്ദി അറിയിച്ചുകൊണ്ട് ഇൻസ്റ്റഗ്രാമില് യദു കൃഷ് പങ്കുവെച്ചിരിക്കുന്ന വീഡിയോ ഏവരും ഏറ്റെടുത്തിരിക്കുകയാണ്. ആൻറണി വർഗീസ് പെപ്പെ നായകനായെത്തുന്ന ചിത്രത്തില് നായികയായെത്തുന്നത് രജിഷ വിജയനാണ്. മലയാളത്തില് നിന്നുള്ളവരും പാൻ ഇന്ത്യൻ താരങ്ങളും അടക്കം വലിയൊരു താരനിരയാണ് ചിത്രത്തില് ഒരുമിക്കുന്നത്. പാൻ ഇന്ത്യൻ താരങ്ങളായ സുനില്, കബീർ ദുഹാൻ സിങ് എന്നിവരേയും ജഗദീഷ്, സിദ്ധിഖ്, ആൻസണ് പോള്, രാജ് തിരണ്ദാസു, ഷോണ് ജോയ് തുടങ്ങിയ ശ്രദ്ധേയ താരങ്ങളേയും റാപ്പർ ബേബി ജീനിനേയും ഹനാൻ ഷായേയും കില് താരം പാർത്ഥ് തീവാരിയേയും ചിത്രത്തിലേക്ക് സ്വാഗതം ചെയ്തുകൊണ്ട് അടുത്തിടെ പോസ്റ്ററുകള് എത്തിയിരുന്നത് വലിയ ശ്രദ്ധ നേടിയിരുന്നു.
ചിത്രത്തില് പെപ്പെ തൻറെ യഥാർത്ഥ പേരായ “ആൻറണി വർഗ്ഗീസ്” എന്ന പേരില് തന്നെയാണ് എത്തുന്നത്. ഓങ്-ബാക്ക് 2, ബാഹുബലി-2: കണ്ക്ലൂഷൻ, ജവാൻ, ബാഗി 2, പൊന്നിയൻ സെല്വൻ പാർട്ട് 1 തുടങ്ങിയ ശ്രദ്ധേയ സിനിമകള്ക്ക് ആക്ഷൻ ഒരുക്കിയ ലോക പ്രശസ്തനായ സ്റ്റണ്ട് കോറിയോഗ്രഫർ കെച്ച കെംബഡികെ ആണ് ചിത്രത്തില് ആക്ഷനൊരുക്കാനായി എത്തുന്നത്.
പാൻ ഇന്ത്യൻ ലെവല് ആക്ഷൻ ത്രില്ലർ മാസ്സ് ചിത്രത്തില് കന്നഡയിലെ ശ്രദ്ധേയ സംഗീത സംവിധായകൻ അജനീഷ് ലോക്നാഥാണ് സംഗീതമൊരുക്കുന്നത്. ‘കാന്താര ചാപ്റ്റർ 2’വിന് ശേഷം അജനീഷ് സംഗീതമൊരുക്കുന്ന ചിത്രമെന്ന പ്രത്യേകതയും കാട്ടാളനുണ്ട്. സിനിമയിലെ സംഭാഷണം ഒരുക്കുന്നത് ഉണ്ണി ആറാണ്. എഡിറ്റിംഗ് നിർവ്വഹിക്കുന്നത് മലയാളത്തിലെ ശ്രദ്ധേയനായ എഡിറ്റർ ഷമീർ മുഹമ്മദ് ആണ്. ഐഡൻറ് ലാബ്സ് ആണ് ടൈറ്റില് ഗ്രാഫിക്സ്. ശ്രദ്ധേയ ഛായാഗ്രാഹകൻ രെണദേവാണ് ഡിഒപി. എം.ആർ രാജാകൃഷ്ണനാണ് ഓഡിയോഗ്രഫി, പ്രൊഡക്ഷൻ ഡിസൈനർ: സുനില് ദാസ്, ക്രിയേറ്റീവ് പ്രൊഡ്യൂസർ: ഡിപില് ദേവ്, എക്സിക്യുട്ടീവ് പ്രൊഡ്യൂസർ: ജുമാന ഷെരീഫ്, പ്രൊഡക്ഷൻ കണ്ട്രോളർ: ദീപക് പരമേശ്വരൻ, സൗണ്ട് ഡിസൈനർ: കിഷാൻ, കോസ്റ്റ്യൂം: ധന്യ ബാലകൃഷ്ണൻ, മേക്കപ്പ്: റോണക്സ് സേവ്യർ, സ്റ്റില്സ്: അമല് സി സദർ, കോറിയോഗ്രാഫർ: ഷെരീഫ്, വിഎഫ്എക്സ്: ത്രീഡിഎസ്, ഡിജിറ്റല് മാർക്കറ്റിംഗ്: ഒബ്സിക്യൂറ എൻ്റർടെയ്ൻമെൻ്റ്സ്, പിആർഒ: ആതിര ദില്ജിത്ത്.
