കൊച്ചി: 2025 ലെ ഏറ്റവും വലിയ ബോക്സ് ഓഫീസ് വിജയമാണ് ഋഷഭ് ഷെട്ടിയുടെ കാന്താര ചാപ്റ്റർ 1 ഇതിനകം ചിത്രം 800 കോടി രൂപയുടെ ആഗോള ബോക്സ് ഓഫീസ് കളക്ഷന് മറികടന്നതായാണ് റിപ്പോര്ട്ടുകള്.
പുറത്തിറങ്ങി ആഴ്ചകള് പിന്നിട്ടിട്ടും ചിത്രം കാണാന് ആളുകള് തീയറ്ററിലെത്തുന്നുണ്ട്. ഇപ്പോഴിതാ ചിത്രത്തിന്റെ ഒടിടി റീലീസ് തീയതി പ്രഖ്യാപിച്ചിരിക്കുകയാണ് നിര്മാതാക്കള്.
ഒക്ടോബര് 31ന് ആമസോണ് പ്രൈം വീഡിയോയിലാണ് ചിത്രം സ്ട്രീം ചെയ്യുക. കന്നഡ, തെലുങ്ക്, തമിഴ്, മലയാളം ഉള്പ്പെടെ വിവിധ ഭാഷകളില് ചിത്രം ലഭ്യമാകും. പ്രൈ വീഡിയോ ഇന്ത്യയുടെ എക്സ് അക്കൗണ്ടില് റ്റു ബികം ലെജന്ഡറി എന്ന കാപ്ഷനോടുകൂടിയാണ് പോസ്റ്റര് പങ്കുവെച്ചിരിക്കുന്നത്.
