സുരേഷ് ഗോപിയെ നായകനാക്കി പ്രവീണ് നാരായണൻ രചിച്ച് സംവിധാനം ചെയ്ത ജെഎസ്കെ- ജാനകി വി. വേഴ്സസ് സ്റ്റേറ്റ് ഓഫ് കേരള ZEE5 ഇല് ഓഗസ്റ്റ്15-ന് റിലീസ് ചെയ്യും.കാർത്തിക് ക്രിയേഷൻസുമായി സഹകരിച്ച് കോസ്മോസ് എന്റർടൈൻമെന്റ് ആണ് ചിത്രം നിർമിച്ചത്. ജെ. ഫനീന്ദ്ര കുമാർ നിർമിച്ച ചിത്രത്തിന്റെ സഹനിർമാതാവ് സേതുരാമൻ നായർ കങ്കോള് ആണ്.
ഒരു കോർട്ട് റൂം ത്രില്ലർ അല്ലെങ്കില് മാസ് ലീഗല് ഡ്രാമ ആയി ഒരുക്കിയ ചിത്രത്തില് സുരേഷ് ഗോപി ഡേവിഡ് ആബേല് ഡോണോവൻ എന്ന വക്കീല് കഥാപാത്രമായി എത്തുന്നു. ടൈറ്റില് കഥാപാത്രമായ ജാനകിയായി എത്തുന്നത് അനുപമ പരമേശ്വരൻ ആണ്.
ഇവരെ കൂടാതെ, ദിവ്യ പിള്ള, ശ്രുതി രാമചന്ദ്രൻ, മാധവ് സുരേഷ്, അസ്കർ അലി, ബൈജു സന്തോഷ്, ജയൻ ചേർത്തല, ജോയ് മാത്യു, അഭിലാഷ് രവീന്ദ്രൻ, രജിത് മേനോൻ എന്നിവർ ആണ് ചിത്രത്തിലെ മറ്റു താരങ്ങള്.
മലയാളം, തമിഴ്, തെലുങ്ക്, ഹിന്ദി ഭാഷകളിലാണ് ചിത്രം തിയറ്റർ റിലീസ് ചെയ്തിരിക്കുന്നത്. ഒടിടി റിലീസില് ചിത്രം ഹിന്ദിയിലും എല്ലാ ദക്ഷിണേന്ത്യൻ ഭാഷകളിലുമായി ZEE5 ആണ് പ്രേക്ഷകരിലേക്കെത്തുന്നത്.
ആരാധകരില് നിന്നും സിനിമാ പ്രേമികളില് നിന്നും വലിയ സ്വീകരണം ലഭിച്ച ചിത്രം, ZEE5 പ്രേക്ഷകർക്ക് സമ്മാനിക്കുന്നതില് അഭിമാനം ഉണ്ടെന്ന് ZEE5 മാർക്കറ്റിംഗ് സൗത്ത് വിഭാഗത്തിലെ സീനിയർ വൈസ് പ്രസിഡന്റ് (തമിഴ് & മലയാളം) ബിസിനസ് ഹെഡ് ആയ ലോയിഡ് സി. സേവ്യർ പറഞ്ഞു.
ജാനകി V/S സ്റ്റേറ്റ്സ് ഓഫ് കേരളയുടെ ഒഫീഷ്യല് പ്രീമിയർ ZEE5 ലൂടെ ഓഗസ്റ്റ് 15 മുതല് പ്രേക്ഷകരിലേക്ക് എത്തും.
