യാഷിനെ നായകനാക്കി ഗീതു മോഹന്ദാസ് തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ടോക്സിക്: എ ഫെയറി ടെയില് ഫോര് ഗ്രോണ്-അപ്സ്’.
ഇംഗ്ലീഷിലും കന്നഡയിലും ചിത്രീകരിച്ച ഇന്ത്യയിലെ ആദ്യത്തെ വലിയ ദ്വിഭാഷാ ചിത്രമായി മാറുകയാണ് ടോക്സിക്. ഹിന്ദി, തെലുങ്ക്, തമിഴ്, മലയാളം എന്നിവയുള്പ്പെടെ വിവിധ ഇന്ത്യന്, അന്തര്ദേശീയ ഭാഷകളില് ചിത്രം ഡബ്ബ് ചെയ്യും.
‘ടോക്സിക്’ ക്രോസ്-കള്ച്ചറല് കഥപറച്ചില് രീതിയിലാണ് ഒരുങ്ങുന്നത് എന്നാണ് വിവരം. ഇംഗ്ലീഷിലും കന്നഡയിലും ചിത്രീകരിച്ച ഈ ചിത്രം ആഗോളതലത്തിലെ ശ്രദ്ധയാണ് ലക്ഷ്യമിടുന്നത്. ടോക്സിക് കന്നഡയില് ഇന്ത്യന് പ്രേക്ഷകര്ക്കുള്ള ആസ്വദന തലം ഒരുക്കുമ്ബോള്, ഇംഗ്ലീഷ് ലോകമെമ്ബാടുമുള്ള പ്രേക്ഷക ആസ്വദന പ്രാപ്യതത ഉറപ്പാക്കുന്നു.
ഇന്ത്യയിലും ലോകമെമ്ബാടുമുള്ള പ്രേക്ഷകരുമായി ആധികാരികമായി പ്രതിധ്വനിക്കുന്ന ഒരു ആഖ്യാനം രൂപപ്പെടുത്തുക എന്നതായിരുന്നു ‘ടോക്സിക്’ എന്നതിനായുള്ള ഞങ്ങളുടെ രീതി’ സംവിധായിക ഗീതു മോഹന്ദാസ് പറയുന്നു. ‘കന്നഡയിലും ഇംഗ്ലീഷിലും കഥയുടെ സൂക്ഷ്മതകള് പകര്ത്താന് ഞങ്ങള് പരിശ്രമിച്ചു, വ്യത്യസ്ത ഭാഷകളില് വ്യത്യസ്ത സാംസ്കാരികവുമായ പശ്ചാത്തലങ്ങളിലുള്ള പ്രേക്ഷകര്ക്ക് ഒരു ആധികാരിക അനുഭവം ഉറപ്പാക്കുന്നു. ‘ടോക്സിക്’ കലാപരമായ കാഴ്ചപ്പാടിന്റെയും വാണിജ്യ കഥപറച്ചിലിന്റെയും കൂടിച്ചേരലായിരിക്കും. ഈ ചിത്രം അതിര്ത്തികള്, ഭാഷകള്, സാംസ്കാരിക പരിധികള് എന്നിവ കടന്നുള്ള ഒരു യാത്രയാണിത്’ ഗീതു പറഞ്ഞു.
കെവിഎന് പ്രൊഡക്ഷന്സും യാഷിന്റെ മോണ്സ്റ്റര് മൈന്ഡ് ക്രിയേഷന്സും ചേര്ന്ന് വെങ്കട്ട് നാരായണ നിര്മ്മിച്ച ടോക്സിക് എന്ന ചിത്രം ഒരു ആഗോള സിനിമാറ്റിക് അനുഭവമായിരിക്കും എന്നാണ് അണിയറക്കാരുടെ അവകാശവാദം. ജോണ് വിക്ക്, ഫാസ്റ്റ് & ഫ്യൂരിയസ് ഫ്രാഞ്ചൈസികളിലെ പ്രവര്ത്തനത്തിന് പേരുകേട്ട ജെജെ പെറിയുടെ ആക്ഷന് സീക്വന്സുകളും, ഡ്യൂണ് 2വിന്റെ സ്പെഷ്യല് വിഷ്വല് ഇഫക്റ്റുകള് ചെയ്ത ടീമീന്റെ സഹകരണവും ചിത്രത്തിന് അന്താരാഷ്ട്ര മാനം നല്കുന്നു.
